سئوگی دولو یاشاییش

گون آیدین سئوگی نین تکجه آنلامینا...

گون آیدین منه دادیزدیران سونمه یه ن سئوگینین تکجه تانریسینا...

نه قدر تانریما شوکور ائله سم یئنه ده آز دی کی آز...

سن تانرینین سئوگی نی تانیتماسینا ان دیه رلی سئوگی قایناغی سان...

سونمه ز بیر بولاغ کیمی سئوگی دولوسان...

هر دن او قدر اولدوغومدان اوتانیرام کی هئچ کیمسه بونو آنلیاماز...




برچسب‌لر: پئشمانلیق


::یازینین آردی::
شنبه 1392/06/02| ساعات 12:36| سئوگی یازمیش | |

هر دن اؤره يين ايسته يير كي سئوگيلين يانيندا اوتورسون...

قويسون سن اؤرك دولو آغلياسان...

سونوندا سس سيزجه قولاغيوا پيچيلداسين...

"دلي من كي سنين يانيندايام..."




برچسب‌لر: آغلاماق, سئوگيلي
شنبه 1392/05/26| ساعات 15:45| سئوگی یازمیش | |

سئوگیه هر کس دن داها لاییق اولان سئوگیلیمه گون آیدین.

بیر نئچه گون دور بورایا گلیب سنینله دانیشماق ایسته ییردیم آمما نه دن سه سنین بورایا گلمه مه ییوی حیس ائدیردیم. اوندان سویویوب گلمک دن واز گئچیردیم. آمما بو گون آرتیق دایانا بیلمه دیم و گلیب سنینله دانیشماق ایسته دیم.

گؤردویوم منی چوخ اوتاندیردی!

من سنین بورایا گلمه مه ییوی فیکیرله شیرکن سن بوردا منی گؤزله ییردین...

چوخ اوتاندیم...

اوزمو قیناییب سندن منی باغیشلامانی ایسته ییرم...

یئنه ده اس ام اس لرینده گزیردیم...

بیردن گؤزومو قالخیزیب سنین یازدیقلاریوی گؤردوم...

منی باغیشلادین؟

سن بیر ملک سن!

من نه قدر ده سنی اینجیتسم سن هر زامان بویوک اوره یین له منی باغیشلارسان...

ایندی بیر یابانجی دیلده یازدیغین اس ام اسی گؤردوم...

اینگیلیزجه سی بودور:

Life is great, if you learn enjoy the little things

دوغرودان دا بوجور دور...

هر بیر زاد دان لذت آپارماق گرکیر...

هر آنیمدا، کوتو یا یاخچی، یالنیز سن وار ایدین!

یالنیز سنیله اومود نه دی اؤیره ندیم...

یالنیز سنینله سئوگی نه دی داددیم...

ایندی ایلک تانیشدیغیمیز گونلردیم...

هله بیربیریمیزله سیز بیز دیه رک دانیشیریق...

آمما او سیز  بیز هارا بو گؤزه ل دویغولار هارا؟!

 

او حالدا کی بیری وار جانیم اونا قوربان دیر...

نفسیم نفسینه باغلی دیر...

بیری وار کی منیم بوتون دونیام دیر...

بوتون دونیادان دا داها آرتیق دیر...

او جان دیر...

جانان دیر...

هم یاریم هم ده یاریم دیر...

 

بیر زامان سیز بیز دئدیگیم بیریسی اولدو منیم بوتون وارلیغیم...

او قدر اونا باغلاندیم کی بیر آن اون سوز یاشادیغیم آنلار منیم اوچون بیر عومور ساییلیردی...

...

 

بیری وار ایدی بیری یوخ ایدی...

یئرین اوزونده بیر جان وار ایدی...

بو جان بوتون دونیانی گزرکن بیر جانسیزا راستلاشدی...

اونا جان وئررکن اونون آنلیندان اوپدو...

او جانسیز گؤزلرین آچارکن جانینین اللری الینده گؤزلری گؤزلرینده بیر داها دوغولدو...

اوماریم بیر آن دا اولموش اولسا بو گؤزلر ایله اللر او یئنی جان آلمیش جانسیزا چوخ گؤرولمه ز...

 

 




برچسب‌لر: اوزگونلوک
شنبه 1392/05/05| ساعات 15:23| سئوگی یازمیش | |

گون آیدین سئوگی دولو سئوگیلیمه

یالنیز ایکی گون وار بو سئوگی دولو اوچ ییلین دولماسینا...

اوچ بیری بیریندن گؤزه ل ییل...

اینانماسی بئله چوخ زور...

بیر گؤزه ل یوخو کیمی...

آمما هئچ بیر زامان اویانمادان بیر یوخو...

سون سوز بیر سئوگی...

آمما منیم سنه وئردیگیم...

اوزومو چوخ الی بوش حیس ائدیرم...

کاشکی منیم ده، آز دا اولموش اولسایدی بیر پاییم اولایدی...

بیلیرم سنین منه وئردیکلرینین یانیندا، گؤزه گلمه ز آمما...

بو وبلاگی یالنیز سنین اوچون جورله میشم...

کی یالنیز سنین اوچون یازام...

یالنیز سنین اوچون...

یالنیز سنین اوچون کی یالنیزلیغیمین درین لرین ده تکجه سن وارسان...

یالنیز سنین اوچون، چون کی اوره ییم بیر تک سنین اوچون چیرپینیر...

یالنیز سنین اوچون، نه دن کی بوتون دویغولاریم سنین اوچون دور...

یالنیز سنین اوچون کی منیم بوتون وارلیغیم سنین سئوگی دنیزین ده یوخ اولوب...

یالنیز سنین اوچون کی منی او سئوگی دولو اوره ییوه ساری چکمک ده دیر...

یالنیز سنین اوچون کی بیر آن سن سیزلیق منیم اوچون بیر عومور دئمک دیر...

یالنیز سنین اوچون کی سس سیزلیغین، منیم اوچون اولوم دن داها آجی دیر...

سنین اوچون کی اوره یین سئوگی یولوندا هر ایگیت دن داها قورخمازدیر...

یالنیز سنین اوچون، کی سئوگین منیم وار اولمامین تکجه نه دنی دیر...

یالنیز سنین اوچون کی بیر آن بئله غم کدریوه اوره ییم دایانماز...

یالنیز سنین اوچون کی آرزیلاریم سنین آرزیلارین دیر...

 

بو آنلاما یئتیشمیشم کی...

سنی گؤرمه دن ده، سئومکی باشار بیلمکه چالیشام...

هر نه قدر کی سنین باخیشین، تکجه سیغیندیغیم اودا دیر...

هر نه قدر کی سسین اوره ییمین چیرپینماسینین تکجه نه دنی دیر...

یئنه ده بیل کی ...

هر نه قدر ده یانمیدا اولماسان...

باخیشین گؤزلریمین اونونده...

سسین قولاقلاریم درین لیغیندا...

سن هر زامان منیم یانیمدا سان...

هر یئرده کی اولورسان، من یالنیز سنینله یم...

اوره نمه لیم کی سن اولام، کیملیگیمی سنلیک ده تاپام...

سن اولماقی باشارام...




برچسب‌لر: سئوگی, سنلیک
یکشنبه 1392/04/23| ساعات 10:29| سئوگی یازمیش | |

گون آیدین سئوگی قایناغینا

سن وارکن ده سنی اؤزله مکی یاشاماق، عومرومون بویوک شانسی دیر.

سن دن دویماق، سن دن دولو اولماق!

زامان یئتمه ز بونلارین هئچ بیرینه...

سن دن هئچ زامان دولوب دویماق اولماز...

سنی دویا دویا یاشاماق...

سنی دویا دویا گزمک...

سنی دویا دویا سئومک...

هئچ بیر زاماندا سیغماز کی سیغماز...

سن وارکن او قدر سوینجیله دولویام کی...

او قدر یاشام دولویام کی...

بیر آن بئله یوخ اولمانی اوره ییم قالدیرا بیلمه ز.

سن هر زامان وار سان...

یوخلوغوندا...

وار ایغیندا...

هر زامان وارسان...

سون سوزا قدر وارسان...

سن هر وارلیغین سون سوزو سان، آمما سونون یوخ...

سن وارسان و وار اولاجاقسان...

هئچ گوج سنی یوخ ائتمه گه باشارا بیلمه ز!

تانریم بئله!

کوفور سانما...

سئوگینین وارلیغین تانریم هر کس دن داها آرتیق ایسته ییب...

سئوگی نی یارادان تانریلارین تانریسی دیر.

نه دن سئوگی نین یوخ اولماسین ایسته سین کی...

او بوتون یارادیقلارین سئوگی تملی ایله یارادیب.

نه دن بو دیه رلی تملی یوخ ائتسین کی...

سن وارسان

اوره ییمده...

جانمیدا...

روحوم دا...

قانمیدا...

بوتون وارلیغیمدا وارسان...

بوتون وارلیغیم سنین گولوشونه بدل دیر...

سن یاشا...

سن وار اول...

سن منیم سئوگی تانریم سان...

سن منیم حیاتیمین آنلامی سان...

اوماریم بیر گون بیر داملا دا اولسا سنه گرکدیگی سئوگینی وئره بیله م.




برچسب‌لر: سئوگی
شنبه 1392/04/15| ساعات 11:57| سئوگی یازمیش | |

بو شئعری سئوگیلیم چوخ سئور، بوردا گتیرمک ایسته دیم:

 

 

اولدوز سایاراق گؤزله میشم هر گئجه یاری

گئج گلمه ده دیر یار یئنه اولموش گئجه یاری

گؤزلر آسیلی یوخ نه قارالتی نه ده بیر سس

باتمیش قولاغیم گؤر نه دؤشورمکده دی داری

بیر قوش ‹آییغام› سؤیله یه رک گاهدان اییلده ر

گاهدان اونو دا یئل دئیه لای لای هوش آپاری

یاتمیش هامی بیر آللاه اویاقدی داها بیر من

مندن آشاغی کیمسه یوخ اوندان دا یوخاری

قورخوم بودو یار گلمه یه بیردن یاریلا صبح

باغریم یاریلیر صبحوم آچیلما سنی تاری !

دان اولدوزو ایستر چیخا گؤز یالواری چیخما

او چیخماسادا اولدوزومون یوخدو چیخاری

گلمز تانیرام بختیمی ایندی آغارار صبح

قاش بئیله آغاردیقجا داها باش دا آغاری

عشقین کی قراریندا وفا اولمایاجاقمیش

بیلمم کی طبیعت نیه قویموش بو قراری

سانکی خوروزون سون بانی خنجردی سوخولدو

سینه مده اورک وارسا کسیب قیردی داماری

ریشخندله قیرجاندی سحر سؤیله دی دورما

جان قورخوسو وار هر کیم اوتوزموش بو قوماری

اولدوم قارا گون آیریلالی او ساری تئلدن

بونجا قارا گونلردی ائدن رنگیمی ساری

گؤز یاشلاری هر یئردن آخارسا منی توشلار

دریایه باخار بللی دیر چایلارین آخاری

از بس منی یارپاق کیمی هجرانلا سارالدیب

باخسان اوزونه سانکی قیزیل گولدو قیزاری

محراب شفقده اؤزومو سجده ده گؤردوم

قان ایچره غمیم یوخ اوزوم اولسون سنه ساری

عشقی وار ایدی شهریارین گوللو چیچکلی

افسوس قارا یئل اسدی خزان اولدو باهاری




برچسب‌لر: اولدوز سایاراق گؤزله میشم هر گئجه یاری
چهارشنبه 1392/04/12| ساعات 11:0| سئوگی یازمیش | |

گون آیدین سئوگی دولو اوره که

بیر گون داها بوردایام...

گؤزلریمین اونونده او گؤزه ل و حیات باغیشلایان گولوشون وار...




برچسب‌لر: سئوگی بولاغی


::یازینین آردی::
چهارشنبه 1392/04/12| ساعات 10:44| سئوگی یازمیش | |

گون آیدین سئوگیلیمه

بو گون بیر داها بورا گلیب سنیله باش باشا قالماق ایسته دیم.

یازدیغین اس ام اس لری گؤزدن گئچیررکن...




برچسب‌لر: اومود ایشیغی


::یازینین آردی::
سه شنبه 1392/04/11| ساعات 14:4| سئوگی یازمیش | |

گون آیدین یاشاییشیمین نه دنی

بو گون بیرینجی دفعه اولاراق، بو بولومو سنین اوچون آییریب و زامان زامان بوتون دویغولاریمی گتیرمک ایسته دیم. بیلمیرم نه جور باشلامالییام آمما ...




برچسب‌لر: باشلانیش


::یازینین آردی::
دوشنبه 1392/04/10| ساعات 13:6| سئوگی یازمیش | |